- دلوقتى مش خايف -

واتارى اشتياقى لقسوه قلبك مش ليك
واتارينى بحب اشوف ضعفى قدام عينيك
كنت دايما ماتسالش وانا اللى دايما اسال عليك
كنت عليا ما تهونش وانا دايما كنت بهون عليك
حبيت فيك ايه انا والله مش عارف
وبخاف اسيبك ليه دلوقتى مش خايف
صبرت كتير مفيش فايده
خلاص يا حبيبى هعمل ايه
مفيش حل بايديا
بحبك اه بحبك وهفضل احبك
لكن قلبى خلاص مجروح وجرحه كبير
بعدك اه هتعب اكيد بعدك
لكن تعبى هيكون اقل كتير
عارف انى مش هنساك وهفضل طول العمر بفتكرك
لكن غير الفراق مفيش تانى بديل
يمكن اكون ندمان لكن رايى خلاص مش هرجع فيه
حبك مش لازمنى خلاص يا حبيبى و يفيد بايه
ان كنت بتقابل الحب بالقسوه باقى ايه
خلاص مش باقى على حيك ولو كنت هموت بعديه
يمكن جرحى يفضل طول العمر ويايا
يمكن اكون ليك ساعات بشتاق
لكن خلاص لحد كده حلو اوى وكفايه
مش عايز دلوقتى حاجه تانيه الا الفراق

- مستغربه ليه انى بحبك -

مستغربه ليه انى بحبك
منا ياما حاولت انى اظهرلك ازاى انا دايب فيكى

مش شايفه ازاى اشاراتى مش حاسه ازاى حركاتى

مش حاسه بحاجه فى كلامى مش جايز ليه معنى تانى

مش حاسه كده بحاجه غريبه مش حاسه انك منى قريبه

مش شايفه الحب فى عينيه مش باين ولا حاجه عليا

مش فاكره نظراتى ليكى مش حاسه كده بخوفى عليكى

ازاى بقى مش واصل ليكى ان انا كده مشتاق اليكى

مش فاكره يوميها وانا جايلك وبقلك ده انتى وحشتينى

مش فاكره وصفى لجمالك ولضحكتك وعينيكى

يا حبيبتى خلاص فاض بيا قربت اتجن وانتى لسه عنديه

منا لازم كنت اقلهالك علشان يا حبيبتى تحسينى

دلوقتى انا عايز اسمع رايك وانا اهه مستنى تقوليلى

واهو حتى لو كنتى رفضانى ابقى ارتحت من الحيره ديا

منا لازم اسمع رفضك ليا علشان اقتل اى امل فياا

..............

انتى اكتر من حبيبنى

انتى عارفه انتى ليا بقيتى ايه
انتى اكتر من حبيبتى
انتى عمرى وزكرياتى انتى الحلو الى فى حياتى
انتى الحلم اللى لقيته بعد سنين بدور عليه
انتى عارف انتى ليا بقيتى ايه
انتى كل اللى بفكر فيه وبفتكره وانا لوحدى

انتى اللى عينى عليكى

انتى اللى وقفتى عقلى من كتر تفكيره فيكى

انتى الوحيده الى قدامها بنسى انا ايه وكنت انا فين وبعمل ايه

انتى مش زى بقيت البشر

انتى اجمل وارق من كل البشر

انتى عارفه انتى ليا بقيتى ايه

انتى اكتر من حبيبتى

انتى ضى فى ليل طويل

انتى طير ابيض جميل

انتى حلم ومستحيل

انتى عارفه انتى ليا بقيتى ايه

انتى اجمل حد شفته من سنين

انتى بسمه فى يوم حزين

انتى بلسم للمجروحين

انتى حلم ياما حلمت بيه

انتى عارفه انتى ليا بقيتى ايه..............

- ضاع منى عمرى -

ضاع منى عمرى اللى فات واللى جاى
مات منى قلبى وانا لسه حى
قام شاكى قلبى ليا .... قلتله متخافش

لو مكنش ليك العمر ده.. احتمال يبقى العمر اللى جاى

متخافيش يحصلى ايه من بعدك

قبل اما تنهى كل حاجه قبل اما تنسى كل حاجه
لسه قلبى شايل ليكى عندى حاجه
لسه حاسس برده انك كل حاجه
مش قادر اغفر لنفسى انى ضيعتك من ايديا
مش قادر انسى انك كنتى ممكن تبقى ليا
بعدك مابقتش احس ان حد بيخاف عليا
كل يوم يمر من غيرك يموت حاجه جديده فيا

لو فى ليله فكرتى فيا افتكرى اى لحظه كانت ما بينا الا ديا
قبل اما تمشى سيبينى اسرح لاخر مره قدام عينيكى
سيبينى اسرق من الزمن اخر لحظه ما بين ايديكى
لو كنت اعرف ان اللحظه دى ممكن تكون
مستحيل يا حبيبتى ابدا كنت اخون
اصل بعدك مش هلاقى حد احبه زيك
وان لقيت يبقى عشان فى حاجه منك
اسف حبيبتى لكل شئ عملته ليكى
ده انا يوميها جرحت نفسى بجرحى ليكى

متخافيش يحصلى ايه من بعدك
دى الحياه من بعدك انتى متساويش
وان سمعتى فى يوم انى مت ما تزعليش
ده اللى فرط فيكى مره ما يستهلش انه يعيش

- كويس برده ان انا قلتلها -

ليه ياقلبى تقول على اللى مخبيه
ماطول عمرك خجول اشمعنى المره دى
من غير ما اقول كان كلامى يوصل ويتحس بيه

واهى طلعت مش حاسه بيك ولا داريه بالى انت فيه
من الاول انا قلت ليك البنت دي مش ليك

مش كل حد حب ... التانى كان دايب فيه
دور على حب جديد دانت مش اول حد يسيب حبيبه ويعيش بعديه

ياما قبلك ياما كتير ناس اتجرحت وهنعمل ايه

ما الحب كده دايما يقسى على كل حبيب

ويخليك مهما تقابل كده لسه غريب

لا بكره هتنسى الحب ده وتحب جديد

ماهو مش معقول راح تفضل باقى العمر وحيد

وكويس برده ان انا قلتلها
منا لازم كنت اعرف مشاعرها والموضوع كده لسه فى اولها

قبل ما كنت اتعلق اكتر

قبل ما الحيره كات تقضى عليا والفكر يجيب ويودى كده فى لياليا

اه برده الدنيا كات قاسيه عليا ومين فينا الدنيا دى ماقاستش عليه
انا قلبى وجعنى من رفضها ليا مش لاقى كلام يوصف ايه فيا

وتلاقى كتير مش حاسس بيا

عمال بيقول دى حاجه عاديه

لا بكره تغير رايك فيا

لما هتمر بالتجربه ديا

وانا خايف برده لاحب جديد واطلع من الجرح على جرح جديد

وكمان خايف اعيش على زكرى يومين حلوين

والليل عليا يطول ويفوت عليا سنين

وانا لسه بيها مشغول وشايل ليها الحنين
لا كده بقى مش معقول

افضل فى حيره علطول

الحب ده ايه ده انا ياما قبلت وشفت الحب فى عيون كتير قبلها

لكن عمر ما حد ابدا شغلنى قدها

ماختش بالى بجرحهم الا لما كنت فى حكايه زيها

ولا حسيت انى بهدهم الا لما سمعت لا منها

حاسس كانى خلاص مش هقدر اكمل بعدها

ازاى يا قلبى قلتها مش كنت تاكد بعدين تقول بعدها

بس حيرتى كات يمكن تطول او غيرى جاير كان منها ينول

كويس برده ان انا قلتلها

منا لازم كنت اعرف مشاعرها والموضوع كده لسه فى اولها

قبل ما اتعلق بيها واتوه ويبقى البعد صعب عليا

لا كده انا جرحى اخف شويه

انا رافض اسال عنها تانى

وهضير وشى ان شفتها تانى

منا لازم انساها زى ما نسيانى

ده كلام وخلاص بتصبر بيه

مش عارف اعمل غير كده ايه

ده انا لما بشفها بتروحلها روحى

وهيا معديه بتشفيلى جروحى
وافضل متابعها على مدد الشوف

وبحس كانى من الكون مخطوف

وافضل على الحال ده على بال ما تغيب

وبحس كانى من الفرحه قريب

وفى لحظه افوق واتمنى تعدى قدامى من تانى

وارجع من تانى احلم من تانى بحب هيملى عمرى وزمانى

ليه يا قلبى تقول على الى مخبيه ماطول عمرك خجول اشمعنى المره دى

مش جايز لو طولت شويه كان يمكن مره حست بيا

مش قادر اتخيل انها مش ليا

كان لازم اقول احساسى بيها

ماقدرتش تانى اخبى عليها

وكويس برده ان انا قلتلها

منا لازم كنت اعرف مشاعرها والموضوع كده لسه فى اولها

قبل ما تعلق بيها واروح وافضل عايش كده مجروح

لا عين العقل ان انا قلتلها

من غير سبب

حاسس قلبي حزين من غير سبب
ولا يمكن كترهم خلاني ما عرفت السبب
يمكن عشان سنيني من بين إيديا اتسرسبت
ولا عشان غرامي اللي مات من قبل حتى ما يتولد
ولا يمكن وحدتي اللي كانت زى أوضة مضلمة بتضيق عليا كل ما بحاول اعترض
ولا يمكن على صاحب باعني زمان بأرخص تمن
خلاني أكره اليوم اللي عرفته فيه والزمن
بتفوت عليا ليالي طويلة زى ما تكون جبل
أطلعه وانزله علشان ألاقي قدامى من تاني جبل
ولا يمكن عشان شايف رحلتي من غير هدف
***********
ساعات بحاول افتكر أي زكرى حلوه أنا عشتها
عشان أصبر نفسي في رحلتي
ملاقيش غير ليالي طويلة لوحدي أنا عشتها
مش عارف فايدة شكوتي
مش عارف ليه المرة دي بس القلم كتب
يمكن كلامي بيهون عنى آلامي
يمكن بلاقي سلوتي في شكوتي
ولا لنظرة عطف مستني
ولا عشان أخلي الكل زيي يتوجع
خلاص تعبت من رحلتي وخارت قوتي
*************
حاسس قلبي حزين من غير سبب
دايماً بلاقي نفسي في وحدتي يمكن هي دي بس حتتي
بقى صعب تاني الضحك على وشى يترسم إلا على نكته بايخة ولا لواحدة بتترسم
أوقات بحاول أرسم زكرى تهوَّن عليا رحلتي وأبقى افتكرها في لحظات وحدتي
أرسم ضحكة من بنت حلوه على كلمة أنا قلتها خلتها تنسى الدنيا وفى الآخر سبتها
ولا أرسم فسحة حلوة رحتها وأحلى لحظات عشتها مع بنت تانية برده أنا سبتها
وأبدأ أعاتب نفسي على البنت ليه سبتها أو أحاول أعرف حتى اسمها
حتى زكرى كدابة تفرحني ولو ثواني مش قادر أنهيها نهاية حلوة علشاني
************
يمكن أكون متشائم بشوف الدنيا لون غامق
يمكن تكون نظرتي سوده
يمكن حياتي بأحزاني موعودة
يمكن حياتي إتملت بآهاتي
يمكن بلاقي الحزن ماليني
ولا يمكن تكون أيام وهتعدي
وأصبح ألاقي الفرحة في عيوني
وأنسى ليالي الحزن وظنوني
وأفرح وأعيش الدنيا بجنوني
بس الألم جوايا قاتلني
خايف لتيجي الدنيا تحلالي ألاقي الحزن في نفسي ما ينساني
خايف أكمل باقي العمر على حالي من غير ما أعيش ولا لحظة تحلالي
حبي لحياتي قل لدرجة بتموت خايف أكمل رحلتي على ده الحال وأتعود
يا اللى قريت كلامى تقدر تقولى الحل ايه علشان افرح نفسى من تانى
ولا انت برده قلبك حزين او اصبح حزين بعد ما عشت الامى
حاسس قلبي حزين من غير سبب ولا خلاص أسبابي كتبتها أقلامي